Nangisayangkat dagiti Filipino ken American marines iti live fire exercise a nangusaranda kadagiti rocket propelled grenade (RPG) bayat a nakaluganda iti bapor, iti naisayangkat a force integration drill iti West Philippine Sea (WPS), ita a Sabado, Oktubre 19.
Pinalusposan dagiti kameng ti Philippine Marine Corps (PMC) 3rd Marine Brigade dagiti (RPG) kabayatan a nakaluganda iti coastal patrol boat kas paset ti Kaagapay ng Mandirigma sa Dagat (Kamandag 08-24) Naval Detachment Oyster Bay iti Puerto Princesa City, Palawan, idi Okt. 17.
Iti sabali a bangir, pinalusposan met dagiti tropa ti United States Marine Corps (USMC) 1st Battalion, 5th Marines (1/5) Battalion Landing Team ti shoulder-launched multi-purpose assault weapon (SMAW), a maysa a smoothbore shoulder-fired rocket launcher.
Agarup 2,350 a kameng ti militar ti agsansanay kadagiti nadumaduma a training site iti Palawan a nakasango iti WPS, amianan a Luzon asideg iti Taiwan, Central Luzon, National Capital Region, ken Cavite kas paset ti Kamandag exercise.
Blazers, inatiwda ti Red Lions; kasangoda ti Cardinals iti NCAA finals
Nairaman iti panagsanay dagiti tropa manipud iti Japan, South Korea, United Kingdom, ken Australia, kasta met dagiti observer manipud France, Thailand, ken Indonesia. (Martin Sadongdong/Manila Bulletin//Lito Hilidon/Bannawag)
