Agdagup iti 76 nga Overseas Filipino Workers (OFWs) manipud Lebanon ti nakasublin iti pagilian bayat ti agtultuloy a repatriation program ti gobierno, segun iti Department of Migrant Workers (DMW).
Kinuna ni Sekretario ti DMW Hans Leo Cacdac a ti 76 a simmangpet itay Oktubre 20 ti nangipangaton iti 636 iti dagup a bilang dagiti Filipino a mangmangged a naisublin iti pagilian sipud nangrugi ti repatriation program idi Oktubre ti napan a tawen.
Simmangpet dagiti 76 nga OFW iti Ninoy Aquino International Airport (NAIA) Terminal 3 idi rabii ti Oktubre 20.
Sinabet ida da Cacdac iti NAIA, kaduana da Undersecretaries ti DMW Patricia Yvonne Caunan ken Bernard Olalia, Assistant Secretary ti DMW Venecio Legaspi, ken ni Deputy Admisnitrator ti Overseas Workers Welfare Administration (OWWA) Honey Quiño. (Aaron Recuenco/Manila Bulletin//Lito Hilidon/Bannawag)
