Pinusgan dagiti senador ti Senate Blue Ribbon Committee a mangidaulo iti pannakaimbestigar ti drug war ti administrasion ni Duterte, segun ken ni Senate President Francis “Chiz” Escudero.
Pinili dagiti senador ti Senate Committee on Public Accountability and Investigations (nga am-ammo iti naganna a Blue Ribbon Committee) ta daytoy laeng ti mabalin a mangiwayat iti imbestigasion bayat a naka-recess ti Senado.
Kinuna ni Escudero a ni Senate Minority Leader Aquilino “Koko” Pimentel III ti mangidaulo iti imbestigasion ti Senate subcommittee, ta adu ti pakakumikoman ti chairperson a ni Senadora Pia Cayetano.
Kinuna ni Escudero, nakapatangnan da Senador Ronald “Bato” Dela Rosa ken Senador Christopher “Bong” Go, ket binilinna dagitoy a makiumanda iti committee panel mainaig kadagiti tao nga awisenda a dumar-ay iti hearing.
Australiano, 2 pay, natiliw gapu iti bogus a doliar
Idi Oktubre 17, impila ni Senador Go ti Senate Resolution No. 1217 a mangkidkiddaw iti public order committee a mangiwayat iti "investigation in aid of legislation" iti kampania ni dati a presidente Rodrigo Duterte kontra iti ilegal a droga.
Ngem segun ken ni Escudero, nasaysayaat no saan a ni Dela Rosa ti mangidaulo iti imbestigasion tapno saan a pagduaduaan ti publiko ti kinapatas ti imbestigasion, ta mismo a ni Dela Rosa ti "chief implementer" ti makunkuna nga “Oplan Tokhang” bayat ti panagpaayna a kas hepe ti Philippine National Police (PNP) idi panawen ni Duterte. (Hannah L. Torregoza/Manila Bulletin//Lito Hilidon/Bannawag)
