Pattapattaen ti Philippine Atmospheric, Geophysical and Astronomical Services Administration (PAGASA) nga agdisso ni Tropical Depression Kristine iti amianan a paset ti Luzon, kangrunaan iti amianan a daya ti Cagayan, inton Biernes, Oktubre 25.
Iti kaudian a pakdaar ti PAGASA ita, Oktubre 21, adda ni Kristine iti 870 a kilometro iti daya ti Eastern Visayas. Addaan daytoy iti kapigsa a 55 a kilometro kada oras iti asideg ti sentrona, ken pugso a 70 kilometro kada oras, nga agpalaud-abagatan a laud iti kapardas a 30 a kilometro kada oras.
Naipan iti Tropical Cyclone Wind Signal (TCWS) No. 1 ti Catanduanes, Masbate, including Ticao ken Burias Islands, Camarines Sur, Albay, Sorsogon, Camarines Norte, daya a paset ti Quezon, Eastern Samar, Northern Samar, Samar, Leyte, Biliran, Southern Leyte, Dinagat Islands, ken Surigao del Norte, agraman ti Siargao-Bucas Grande Islands.
Kinuna ti PAGASA a mabalin a maisaad ti TCWS Signal NO. 4 bayat ti panagbalin ni Kristine a maysa a naan-anay a bagyo sakbay nga agdisso iti daga. (Ellalyn De Vera-Ruiz/Manila Bulletin//Lito Hilidon/Bannawag)
