Mabalin a makikappia ni Bise Presidente (BP) Sara Duterte kada Presidente Marcos Jr. ken dagiti kalabanna iti politika iti Kongreso no agpadispensarda ken ni daulo ti Kingdom of Jesus Christ (KOJC) Apollo Quiboloy ken kadagiti resource person a naayaban iti bista ti kongreso.
Daytoy ti kinuna ni BP Duterte iti maysa nga interbiu iti Pasay City ita, Oktubre 22.
Imparipirip ni BP Duterte a mabalinna ti makikappia kadagiti Marcos ken iti kalabanna iti politika a dati a kaduana iti panagkakampiana idi 2022.
Ngem masapul a dumawatda iti pammakawan kadagiti kameng ti KOJC a nasaktan wenno napukawan iti ay-ayatenda iti biag idi rinaut dagiti polis a nangsawar ken ni Quiboloy iti solar a sakup ti KOJC, a naidarum iti kaso a human trafficking ken sexual abuse.
Australiano, 2 pay, natiliw gapu iti bogus a doliar
Iti sabali a bangir, kinuna ni BP Duterte a dagiti bista ti kongreso -- mainaig iti maatap a di umiso a pannakausar ti pondo ti Office of the Vice President (OVP) ken ti drug war ni amangna -- ket maysa laeng a taktika tapno maabbongan dagiti pudno a parikut ti pagilian. (Raymund Antonio/Manila Bulletin//Lito Hilidon/Bannawag)
