Insaganan ni Department of Social Welfare and Development (DSWD) - Cordillera itay Oktubre 21 ti naurnongda a 87,705 a food ken non-food relief items bayat nga umas-asideg ti Bagyo Kristine iti amianan a paset ti pagilian.
Kinuna ti DSWD-Cordillera nga adda lebbenda a 62,313 family food packs, a pakairamanan ti 7,470 iti Abra; 2,798 iti Apayao; 1,184 iti Mountain Province; 6,435 iti Kalinga; 1,591 iti Ifugao; ken 25,015 iti Benguet.
Adda pay 17,820 a family food packs a nakasagana kadagiti bodega ti DSWD nga imatmatonan dagiti local government units (LGU) iti rehion.
Kinuna ti DSWD a 25,392 a non-food items ti nakasagana a maiwaras malaksid iti standby quick response fund a PhP2.9 a milion. (Liza Agoot/PNA//Lito Hilidon/Bannawag)
Nasional
