Impakaammo ni Senate Minority Leader Aquilino "Koko" Pimentel III ita, Oktubre 22, a mangrugi ti panagimbestigar ti Senado iti drug war ni dati a Presidente Rodrigo Duterte inton Lunes, Oktubre 28.
Ni Pimentel ti mangidaulo iti panagimbestigar ti Senate Blue Ribbon Committee subcommittee, a saan a ket a ni Senador Pia Cayetano a dimmar-ay iti maysa a taripnong.
Sumagmamano kadagiti maawis da dati a general manager ti Philippine Charity Sweepstakes Office (PCSO) Royina Garma, Edilberto Leonardo, dati a Senador Leila De Lima, Rolan “Kerwin” Espinosa, ken dagiti biktima ti drug war.
Segun ken ni Pimentel, apaman a marugian, masapul a pardasanda ti imbestigasion ta isaganaanda pay ti budget hearing.
Blazers, inatiwda ti Red Lions; kasangoda ti Cardinals iti NCAA finals
Kinuna ni Pimentel a tamingenda laeng dagiti napateg a bambanag a mainaig iti drug war. (Dhel Nazario/Manila Bulletin//Lito Hilidon/Bannawag)
