Agarup 77,910 a pamilia iti uppat a rehion ti inapektaran ti nadawel a tiempo nga inyeg ni Bagyo Kristine, segun iti pakaammo ti National Disaster Risk Reduction and Management Council (NDRRMC) ita, Oktubre 23.
Katukad daytoy ti 382,302 a katao nga agindeg iti 436 a bario iti Bicol, Western Visayas, Eastern Visayas, ken Zamboanga Peninsula.
Iti agdama, kinuna ti NDRRMC a 3,095 a pamilia wenno 12, 334 a katao ti nagkamang iti pagbakuitan idinto a 96 a pamilia wenno 364 a tao ti matultulongan iti ruar ti pagbakuitan.
Inapektaran met ti nadawel a tiempo ti operasion ti 34 a sangladan iti Calabarzon, Mimaropa, Bicol, Western Visayas, ken Central Visayas.
Australiano, 2 pay, natiliw gapu iti bogus a doliar
Nalakon ti agdagup iti 4,753 a katao iti Calabarzon, Mimaropa, Bicol, ken Western Visayas agraman dagiti 703 a rolling cargo, 26 a bapor, ken 13 a bilog.
Agdagup ti 57 a balay ti nadadael iti Bicol, Eastern Visayas, ken Zamboanga Peninsula. (Priam Nepomuceno/Christopher Lloyd Caliwan/PNA//Lito Hilidon/Bannawag)
