Awan pay naawat ti Department of Foreign Affairs (DFA) a pormal a kiddaw manipud iti Estados Unidos (US) para iti extradition ni daulo ti Kingdom of Jesus Christ (KOJC) Apollo Quiboloy.
Daytoy ti impakaammo ni Sekretario ti DFA Enrique Manalo iti Committee on Women and Children ti Senado ita nga aldaw, Oktubre 23, a nangituloy iti pannakaimbestigar iti seksual a panangabuso, panangrames, ken dadduma pay a krimen a maatap nga inaramid ni Quiboloy.
Naidarum ni Quiboloy iti kaso a child abuse ken human trafficking iti Filipinas. Adda met kasona a sex trafficking ken cash smuggling iti US, ket sapsapulen ti Federal Bureau of Investigation (FBI) sipud 2021.
Kinuna ni Manalo nga adalen pay ti DFA ti dokumento no bilang adda maawatda a kiddaw manipud iti US, tapno makitada no maitunos met laeng daytoy iti proseso, sakbay a mayawat iti Department of Justice (DOJ).
Australiano, 2 pay, natiliw gapu iti bogus a doliar
Sakbayna, kinuna ni Undersecretary ti DOH Nicholas Ty nga ammo ni Sec. Crispin Remulla nga umayen ti opisial nga extradition request ti US, ngem maited pay nga umuna daytoy iti DFA. (Hannah L. Torregoza/Manila Bulletin//Lito Hilidon/Bannawag)
