Impanamnama ni Presidente Ferdinand Marcos Jr. (PBBM) kadagiti Bikolano ita, Oktubre 23, a mangipatulod ti gobierno kadagiti rubber boat ken dadduma pay a kasapulan a tulong iti rehion gapu iti panangdalapus ni Bagyo Kristine iti rehion.
Daytoy ti kinuna ni PBBM kalpasan a nagkiddaw ni dati a Bise Presidente Leni Robredo iti kaadda koma ti ad-adu pay a rubber boat ken alikamen a pagtulong kadagiti lugar nga inapektaran ti bagyo iti Bicol Region.
Iti maysa a situation briefing, binilin met ni PBBM dagiti nadumaduma nga ahensia ti gobierno a rugiandan ti rescue and relief operations iti Bicol Region iti kabiitan a panawen, ket minandarna ti Department of Public Works and Highways (DPWH) nga usarenda dagiti kasapulan a makinaria tapno maluktan dagiti kalsada ken rangtay a binangenan dagiti reggaay.
Iti Camarines Sur, 300 kadagiti 600 a barangay ti nalayus gapu iti agtultuloy a panagtudona. (Argyll Cyrus Geducos/Manila Bulletin//Lito Hilidon/Bannawag)
