Indeklarar ti Office of Civil Defense (OCD) kadagiti regional office ti High Alert bayat a begbegbegen ni Bagyo Kristine ti kadaklan a Luzon ken dadduma a paset ti Visayas ita, Oktubre 23.
Kinuna ti OCD a sisasagana amin a regional office ti ahensia ti gobierno nga agresponde iti epekto ti bagyo ken mangtulong kadagiti inapektaran daytoy.
Naipan iti "Red Alert" ken naipakat ti Charlie Protocol a kangatuan a pangal ti panagsagana kadagiti rehion a kas iti Cordillera, Cagayan Valley, Central Luzon, Bicol, Eastern Visayas, Calabarzon ken Mimaropa. Dakkel ti peggad kadagitoy a lugar.
Iti sabali a bangir, kinuna ni Sekretario ti Department of the Interior and Local Government (DILG) Juanito Victor "Jonvic" Remulla a sisasagana amin a gobierno lokal (LGU) ken civil defense units.
Australiano, 2 pay, natiliw gapu iti bogus a doliar
Sakbayna, bimilin ni Remulla dagit LGU nga ukkonenda dagiti Local Disaster Risk Reduction and Management Councils (LDRRMCs) a mangisayangkat iti pre-disaster risk assessment; ken paggunayenda dagiti barangay DRRMC para iti early warning measure ken naridam a panangbantay kadagiti posible a madidigra a lugar. (Priam Nepomuceno/PNA//Lito Hilidon/Bannawag)
