Inispal dagiti kameng ti National Capital Region Police Office (NCRPO) ti pito a Vietnamese iti panangrautda iti maatap a prostitution den iti Siudad ti Pasay idi Oktubre 22.
Segun ken ni direktor ti NCRPO Maj. Gen. Sidney Sultan Hernia, natiliw iti isu met laeng nga operasion ti Intsik a mangimatmaton iti lugar a nabigbig a ni Zhao Xing ti Barangay 86.
Kinuna ni Hernia nga insayangkatda ti operasion gapu iti napatalgedanda nga intelligence report maipapan kadagiti ganggannaet nga us-usaren ti suspek para iti prostitusion babaen ti online ken face to face a transaksion.
Nagresulta ti operasion ti polisia iti pannakaisalakan dagiti pito a Vietnamese national ken pannakakemmeg ti suspek a maidarum iti panaglabsing iti Republic Act 10364 wenno ti "Expanded Anti-Trafficking in Persons Act of 2012." (Aaron Recuenco/Manila Bulletin//Lito Hilidon/Bannawag)
