Naibayog ti Tropical Cyclone Wind Signal (TCWS) No. 2 iti nadumaduma a paset ti Luzon ken Visayas gapu ken ni Bagyo Kristine, kinuna ti Philippine Atmospheric, Geophysical and Astronomical Services Administration (PAGASA) ita, Oktubre 23.
Segun iti PAGASA, pimmigsa ni Kristine iti 85 kilometro tunggal oras iti asideg ti sentrona, ken pugso nga agingga iti 105 kilometro tunggal oras.
Nasaripatpatanda ni Kristine iti 340 a kilometro iti daya ti Infanta, Quezon wenno 180 a kilometro iti amianan-amianan a daya ti Virac Catanduanes.
Adda iti TCWS No. 2 dagiti lugar ti Ilocos Norte, Ilocos Sur, La Union, Pangasinan, Apayao, Abra, Kalinga, Mountain Province, Ifugao, Benguet, kadaklan ti Cagayan, Isabela, Quirino, Nueva Vizcaya, Aurora, Nueva Ecija, Tarlac, ti amianan a paset ti Zambales, ti amianan a paset ti Bulacan agraman Polillo Islands, Camarines Norte, ti amianan ken daya a paset ti Camarines Sur, Catanduanes, ti daya a paset ti Albay, ken ti daya a paset ti Sorsogon.
Australiano, 2 pay, natiliw gapu iti bogus a doliar
Nairaman pay iti TCWS No. 2 ti amianan a daya ti Northern Samar (Palapag, Mapanas, Gamay, Laoang, Catubig, Lapinig, Pambujan, San Roque) ken ti amianan a paset ti Eastern Samar.
Adda iti TCWS No. 1 dagiti lugar ti Batanes, Babuyan Islands, Pampanga, dadduma pay a paset ti Zambales, Bataan, dadduma pay a paset ti Bulacan, Metro Manila, Rizal, Cavite, Laguna, Batangas, dadduma pay a paset ti Quezon, Occidental Mindoro agraman Lubang Islands, Oriental Mindoro, Marinduque, Romblon, Calamian Islands, dadduma pay a paset ti Camarines Sur, Albay, Sorsogon, Masbate agraman Ticao ken Burias Islands, ken Calamian Islands, Aklan, Capiz, Antique agraman ti Caluya Islands, Iloilo, Guinaras, ti amianan a paset ti Negros Occidental, ti amianan a paset ti Negros Oriental, ti amianan ken tengnga ti Cebu agraman Bantayan Islands ken Camotes Islands, Bohol, dadduma pay a paset ti Eastern Samar,dadduma pay a paset ti Northern Samar, Samar, Leyte, Biliran, ken Southern Leyte, Dinagat Islands ken Surigao del Norte agraman Siargao - Bucas Grande. (Ma. Cristina Arayata/PNA//Lito Hilidon/Bannawag)
