Imbaon ti Metropolitan Manila Development Authority (MMDA) ti 50 katao a bunggoy a tumulong a mangwaknit iti kalsada ken mangiwayat iti search and rescue operations kadagiti nalayus a lugar iti Bicol Region.
Matudingan ti 30 a tao a kas clearing team ken 20 a tao ti agpaay iti search and rescue team, ket maibaonda iti Albay ken Camarines Sur, a kakaruan a naapektaran ti nasaknap a panaglayus itay Oktubre 22.
Iti agdama, palpaliiwen ni daulo ti MMDA Don Artes ti situasion iti National Capital Region (NCR) ket no saan unay a maapektaran ti Kamanilaan, maipan dagiti natda a puersada iti Northern Luzon a nagdissuan ni Bagyo Kristine.
Dagiti naibaon iti Bicol, inyegda ti 40 a solar-powered water filtration systems, maysa nga aluminum boat, dua nga engine-operated rubber boats, 20 nga small fiberglass boats, 1,000 a life vest, innem a chainsaw, modular evacuation tent, ken agas kontra iti leptospirosis.
Australiano, 2 pay, natiliw gapu iti bogus a doliar
Maibunong met dagiti food packs kadagiti naapektaran a tao ket manamnama a makadanonda iti Bicol inton Biernes ti agsapa (Okt. 25). (Aaron Recuenco/Manila Bulletin//Lito Hilidon/Bannawag)
