Pito a tao ti natay bayat a binegbeg ni Bagyo Kristine ti kaaduan a paset ti Luzon ken dadduma a paset ti Visayas, kinuna ti National Disaster Risk Reduction and Management Council (NDRRMC) ita nga aldaw, Oktubre 24.
Maibatay iti datos ti NDRRMC, 6 ti natay manipud iti Bicol, ken maysa iti CALABARZON.
Uppat ti nadangran iti Bicol ken adda pay 7 a mapukpukaw -- 5 iti Bicol, maysa iti CALABARZON, ken maysa iti Ilocos Region.
Innayon ti NDRRMC a patpatalgedanda pay laeng ti naidanon a casualty report.
Australiano, 2 pay, natiliw gapu iti bogus a doliar
Naapektaran ti agdagup iti 431,738 a pamilia wenno 2,077,643 a tao manipud iti 2,124 a barangay iti Ilocos Region, Cagayan Valley, Calabarzon, Mimaropa, Bicol, Western Visayas, Central Visayas, Eastern Visayas, Zamboanga Peninsula, Caraga, Bangsamoro Autonomous Region in Muslim Mindanao (BARMM), ken iti Cordillera Administrative Region (CAR).
Iti agdama, addan 43,463 a pamilia wenno 163,184 a tao ti nagkamang kadagiti 4,567 nga evacuation centers, ket adda pay 8,003 a pamilia wenno 32,877 a tao ti matultulongan iti ruar ti pagbakuitan.
Mapanen a 1,007 a balbalay ti nadadael iti pito a rehion. (Priam Nepomuceno/PNA/Lito Hilidon/Bannawag)
