Impakaammo ti Department of Agriculture-Disaster Risk Reduction and Management (DRRM) Operations Center ti agarup PhP10 a milion a balor ti nadadael iti agrikultura iti Bicol Region gapu iti Bagyo Kristine (internasional a nagan "Trami").
Segun iti datos ti DA Regional Field Office iti Bicol Region itay Oktubre 23, agbalor iti PhP9.75 a milion dagiti naperdi ken napukaw iti pagay ken mais a mula ti 234 a mannalon.
Agarup 598 a metrika tonelada (MT) manipud iti 209 nga ektaria ti taltalon a namulaan iti pagay ken mais ti naireport a nadadael, ket aganay a 203-MT a pagay nga agbalor iti PhP9.6 a milion ti pukaw iti Camarines Norte.
Iti sektor ti mais, 7.50-MT nga agbalor iti PhP167, 000 ti pukaw iti Camarines Sur.(Stephanie Sevillano/PNA//Lito Hilidon/Bannawag)
