Di nababbaba ngem iti 200 a siled pagadalan ti nadadael gapu ken ni Bagyo Kristine, segun iti Department of Education (DepEd) itay Oktubre 23.
Maibatay iti datos ti DepEd, mapanen a PhP264 a milion ti balor ti nadadael nga impraestruktura ti edukasion.
Segun iti panangtingiting ti DepEd, 84 a siled pagadalan ti nadadael ken 108 ti saan unay a nadadael gapu iti bagyo.
Pattapattaen ti DepEd a PhP210 a milion ti kasapulan a pondo tapno maipatakder dagiti narba a siled ken PhP54 a milion ti kasapulan tapno maipatarimaan dagiti saan unay a nadadael.
Australiano, 2 pay, natiliw gapu iti bogus a doliar
Kinuna ti DepEd a 18,645,544 nga adalan ti inapektaran ni Kristine gapu iti pannakasuspende ti klase kadagiti 35,973 nga eskuela iti 177 a dibision iti 15 a rehion.
Iti kaudian a datos ti DepEd, 132 nga eskuela ti nalayus, ken 214 nga eskuela ti maus-usar a kas pagbakuitan. (Merlina Hernando-Malipot/Manila Bulletin//Lito Hilidon/Bannawag)
