Impatulod ti Office of Civil Defense (OCD) ita, Oktubre 24, dagiti bunggoy ken alikamen manipud iti Southern Luzon Command (Solcom) ti Armed Forces of the Philippines (AFP) a tumulong iti relief and rescue operation iti Bicol Region.
Segun ken ni panakangiwat ti OCD Director Edgar Posadas, nupay umdas dagiti rekursos ti Bicol Region, narigat a serken dagiti dadduma a paset ti rehion a nalayus gapu iti napigsa a tudo nga inyeg ni Bagyo Kristine.
Kinuna ni Posadas a nangato pay laeng ti layus iti Naga ken iti dadduma pay nga ili ti Camarines Sur kas iti Presentacion, Bula, ken dagiti kabangibangda nga ili.
Innayon ni Posadas nga adda pay bunggoy nga aggapu iti Eastern Visayas a tumulong iti rescue operations kadagiti nalayus a lugar iti Bicol.
Australiano, 2 pay, natiliw gapu iti bogus a doliar
Kinuna ni Posadas nga ukkonenda dagiti alikamen a kasapulanda nga inkari ni Sekretario ti Department of National Defense Gilberto Teodoro idi Mierkoles.
Kinuna ni Posadas a sisasagana ti gobierno a mangipaay iti tulong iti Bicol kalpasan ti nakaro a layus a pinarnuay ni Kristine. (Ruth Abbey Gita-Carlos/PNA//Lito Hilidon/Bannawag)
