Impanamnama ti Department of Social Welfare and Development (DSWD) nga adda umdas a lebbenda a relief goods ken badiet para iti tulong pinansial maipaay kadagiti naapektaran ni Bagyo Kristine (internasional a nagan "Trami").
Kinuna ni Sekretario ti DSWD Rex Gatchalian ita, Oktubre 24, a naipanen dagiti food packs kadagiti regional, provincial, ken municipal a bodega ti DSWD sakbay pay a dimteng ti bagyo, kas maitunos iti programada a “Buong Bansa Handa” a mangpunno manen iti suplay ti kasapulan a taraon iti entero a tawen.
Kinuna ni Gatchalian a sakbay a narikna ti epekto ni Kristine, naiwarasen ti agarup dua a milion a family food packs iti amin a bodega ti DSWD iti entero a pagilian.
Sakbay a dumteng ni Kristine, adda 170,000 family food packs iti bodega ti DSWD iti Bicol REgion, ngem nagbalinen a 121,000 kalpasan a rinugian dagiti gobierno lokal (LGU) ti agibunong.
Australiano, 2 pay, natiliw gapu iti bogus a doliar
Kinuna ni Gatchalian nga adda pay pondo ti DSWD a sisasagana a maipaay a pangtulong kadaigiti sumarsaruno nga al-aldaw. (Darryl John Esguerra/PNA//Lito Hilidon/Bannawag)
