"Awan ti billion-peso a badiet para iti flood control iti Bicol."
Daytoy ti kinuna ni daulo ti Committee on Appropriations ti Kamara Diputado ti Ako Bicol Party-list Zaldy Co ita nga aldaw, Oktubre 25, gapu kadagiti agwarwaras iti social media nga adda nailatang a bilion-a-piso a pondo para iti flood control project iti Bicol Region, a linayus ni Bagyo Kristine.
Iti kasungani dagiti sayangguseng, ti Bicol ti kabassitan iti pondo para iti national road ken flood control projects, kinuna ni Co.
Impaganetget ni Co nga ipangpangruna ti agdama nga administrasion nga idadauluan ni House Speaker Martin Romualdez, ti panangiramanda kadagiti wagas a pangkontrol iti layus iti naan-anay a panangaywan iti danum tapno mapasayaat ti seguridad ti taraon.
Australiano, 2 pay, natiliw gapu iti bogus a doliar
Kinuna ni Co a ti agtultuloy a gannuat tapno masigurado nga amin a proyekto a pangkontrol iti layus ket nainaig kadagit pasilidad a pagidulinan iti danum nga imatonan ti National Irrigation Administration (NIA), a napateg a pagtaudan ti pasayak para taltalon.
Innayon ni Co a tunggal proyekto ti administrasion ni Marcos ket maiturong kadagiti napateg a proyekto a saan laeng a pangep-ep iti epekto ti didigra no di ket pay mangipanamnama iti pannakapaadda ti umdas a taraon para kadagiti agindeg iti Bicol. (Ellson Quismorio/Manila Bulletin//Lito Hilidon/Bannawag)
