Agaw-awis ti Department of Social Welfare and Development (DSWD) kadagiti boluntario a tumulong iti panagaramid iti food packs para kadagiti pamilia nga inapektaran ni Bagyo Kristine iti National Resource Operations Center (NROC) iti Siudad ti Pasay.
Kinuna ni Special Assistant to the Secretary for Disaster Response and Management ti DSWD Leo Quintilla a makiuman dagiti mayat nga agboluntario iti NROC iti Chapel Road iti Barangay 195 iti Pasay City, tapno matulongan dagiti kameng ti ahensia dagiti agboluntario.
Mabalin a makiuman dagiti indibidual wenno gunglo ken ni Shara Lee wenno Kevin Sanchez iti numero ti selpon 0995-400-5548 wenno 0926-061-2646, maipud 8:00 ti bigat agingga 5:00 iti malem.
Maibilin kadagiti makipartisipar nga agaruatda iti komportable a kawes ken closed-toe a sapatos ken mangitugotda iti bukodda a danum ken taraon.
Australiano, 2 pay, natiliw gapu iti bogus a doliar
Adda 30-minuto nga orientasion sakbay a mangrugi tapno masigurado ti kinatalged dagiti agboluntario iti repacking center. (Ellalyn De Vera-Ruiz/Manila Bulletin//Lito Hilidon/Bannawag)
