Impanamnama ni Presidente ti Taiwan Lai Ching-te iti Filipinas a sisasagana ti Taiwan a tumulong iti pagilian a binegbeg ni Bagyo Kristine.
Maysa ti Taiwan kadagiti pagilian a nangyebkas iti pannakipagriknana kadagiti Filipino nga inapektaran ni Kristine a nanglayus iti dadduma a paset ti Luzon ken nakatayan ti 20 a katao.
Kinuna ni Lai iti paskilna iti X (dati a Twitter) a palpaliiwenda ti situasion ken sisasagana ti Taiwan a mangipaay iti tulong.
Inyebkas met dagiti embahador ti China, UK, Australia, Japan, Germany ken Romania ti pannakiandingayda kadagiti Filipino, ket kinunada a masindadaanda a tumulong iti pagilian.
Australiano, 2 pay, natiliw gapu iti bogus a doliar
Nangyebkas met ti pannakipagrikna dagiti pagilian a United Kingdom (UK), Australia, Japan, ken Germany. (Joseph Pedrajas/Manila Bulletin//Lito Hilidon/Bannawag)
