Inruaren ti Disney+ ti trailer ken key art ti dandanin maipabuya nga orihinal a serye nga “Interior Chinatown” a pagbidaan da Jimmy O. Yang, Ronny Chieng, ken Chloe Bennet.
Mairuar amin a 10 nga episodio inton Nob. 19, eksklusibo iti Disney+.
Naibasar iti premiado a libro ni Charles Yu nga addaan iti isu met laeng a paulo, maipakita iti daytoy a serye ti biag ni Willis Wu (Yang).
Maipaspasuli laeng, agpapaay ni Willis a kas waiter ngem ar-arapaapenna nga isu koma met ti bida iti istoria ti bukodna a biag iti ruar ti Chinatown.
Dina ninamnama, nagbalin a saksi iti maysa a krimen, a nakaigapuan ti pannakatakuatna kadagiti maar-aramid a krimen iti Chinatown idinto a natakuatanna met ti dina ammo a pakasaritaan ti bukodna a pamilia, ken nakapadasanna ti agbalin a bida iti istoria ti bukodna a biag.
Finland, nagtalinaed a kararagsakan a pagilian, kuna ti World Happiness Report; dakes nga epekto ti social media kadagiti agkabannuag, naiparang
Mairaman nga agparang iti serye da Lisa Gilroy, Sullivan Jones, Archie Kao, ken Diana Lin.
Agpaay pay ni series creator Charles Yu a kas executive producer. Improdius met daytoy ti 20th Television. (JONATHAN HICAP)
