Impanamnama ti Department of Trade and Industry (DTI) a sipsiputanda dagiti negosiante a manggundaway iti didigra nga insangbay ni Bagyo Kristine tapno gumanarda iti dakkel.
Impakaammo ni Acting DTI Secretary Cristina Aldeguer-Roque iti maysa a press briefing idi Biernes, Oktubre 25, a napinget ti panangbantayda kadagiti negosio tapno masiguradoda a maipatungpal ti nayetnag a 60-day price freeze kadagiti kangrunaan a kasapulan kadagiti lugar a dinalapus ti bagyo.
Kinuna ni Roque nga ipablaakda ti listaan dagiti matiliwanda nga aglabsing ken mamulta dagitoy maibasar iti dagsen ti nagbasolanda.
Impakaammona pay a nakikoordinarda met kadagiti supermarket ken convenience store tapno masigurado nga addaanda iti makaanay a suplay ket maliklikan ti kinaawan a magatang dagiti kostumer.
Kiddaw ni Quiboloy a Medical Furlough, inanamongan ti Pasig RTC
Nupay kunana a saan a maliklikan ti posibilidad ti panagkurang kadagiti suplay ti taraon kadagiti kakastoy a didigra, ikarkarigatanda ti mangpataud kadagitoy nangruna dagiti kangrunaan a kasapulan. ( Raymund Antonio/Manila Bulletin//Juan A. Asuncion/Bannawag)
