Manamnama ti nasaknap a tudo ken gurruod kadagiti lugar iti Southern Luzon ita nga aldaw, Oktubre 26 gapu iti ipus ni Bagyo Kristine.
Mangyeg ti ipus ni Kristine iti naulep a tangatang nga adaan nawaras a tudo ken gurruod iti Occidental Mindoro ken Palawan. Ket manamnama ti kastoy a paniempo iti Visayas, Zamboanga Peninsula, Northern Mindanao, ken Caraga.
Iti kaudian a pakaammo ti Philippine Atmospheric, Geophysical, and Astronomical Services Administration (PAGASA) nasaripatpatan ni Kristine iti ruar ti Philippine Area of Responsibility (PAR) iti Bacnotan, La Union, nga addaan iti kapigsa a 95 a kilometro tunggal oras ken pugso a 115 a kilometro tunggal oras.
Palpaliiwen ti PAGASA ti Bagyo "Kong-rey," nga adda iti Central Luzon ket addaan iti kapigsa a 65 a kilometro tunggal oras iti asideg ti sentrona ken pugso a 80 a kilometro tunggal oras nga agpaamianan a laud iti kapardas a 35 a kilometro tunggal oras. (Merlina Hernando-Malipot/Manila Bulletin//Lito Hilidon/Bannawag)
