Impasigurado ni Sekretario ti Department of the Interior and Local Government (DILG) Juanito Victor "Jonvic" Remulla a kabaelan ti gobierno a tamingen ti situasion ta adda dagiti search and rescue team kadagiti lugar a dinadael ni Bagyo Kristine, kangrunaan iti Siudad ti Naga iti Camarimes Sur ken dadduma pay a probinsia ti Bicol Region.
Segun ken ni Remulla, nangipatuloden ti Department of Health (DOH) kadagiti emergency field hospital iti Bicol Region kasta met iti National Capital Region (NCR), Cavite ken Batangas.
Kiniddaw ni Remulla iti publiko nga agtalna ta binilinen ni Presidente Marcos Jr. ti DILG nga ispalenda amin a naapektaran a residente iti kabiitan a panawen.
Itay Oktubre 25, inummong ni Presidente dagiti nadumaduma nga opisial ti gobierno tapno pagpapatanganda ti maar-aramid a relief operations ken mangbantay iti kaudian a pasamak mainaig iti epekto ni Kristine.
Australiano, 2 pay, natiliw gapu iti bogus a doliar
Segun iti National Disaster Risk Reduction and Management Council (NDRRMC), dakkel a layus ti inyeg ni Kristine kadagiti nadumaduma a probinsia, a nangapektar iti 2.6 a milion a katao wenno agarup 570,000 a pamilia iti 15 a rehion. (Chito Chavez/Manila Bulletin//Lito Hilidon/Bannawag)
