Impalgak ni television host ken broadcaster Ramon Tulfo Jr. a nagpakamatay ti inaunaan nga apokona a lalaki, ni Ramonito Enrique, idi Okt. 26, 2024 (Sabado).
Nasarakanda ti bangkay daytoy iti maysa a hotel.
Iti Facebook, kinuna ni Tulfo a biktima ti depression ti apokona,
Kasano a labanan ti cyberthreat kadagiti pirate site?
“No laeng koma a kinasaonak ni Ramon Enrique (Ramonito), saanna koma a naaramid daytoy,” kinuna ni Tulfo.
Nagturpos ni Ramonito iti De La Salle University, kinuna ni Tulfo nga addaan iti natalged a trabaho ni Ramonito ken addaan iti langa a makakayaw kadagiti babbai.
Kinuna ni Tulfo iti paskilna iti FB a naallukoyna koma ti apokona a dina ituloy ti kayatna nga aramiden “gapu ta mabalin nga ammok no ania ti rikriknaenna.”
Impalgak ni Tulfo: “Uray siak, itay napan a tawen, napampanunotko met nga aramiden daytoy nga inaramidna.” (Robert Requintina/ Manila Bulletin)
