Sinarungkaran ni Nora Aunor, National Artist for Film and Broadcast Arts, ni Boss Toyo ket impakitana ti bado nga inusarna iti ‘Tawag ng Tanghalan” idi 1967.
Nalatak a personalidad iti social media ni Boss Toyo (Jayson Luzada iti pudno a biag) gapu iti programana iti Youtube a Pinoy Pawnstars no sadino nga aggatgatang kadagiti antigo ken dagiti banag a pakalagagipan ken adda pakainaiganna iti historia.
Saan ketdi nga inlako ni Nora Aunor ti nasao a badona no di ketdi impakitana iti ayatna a makatulong a mangur-or iti pundo para kadagiti nadidigra ni Bagyo Kristine.
Pinattapatta ni Boss Toyo nga agbalor ti bado iti saan a nababbaba ngem PhP5 milion gapu iti estado ti “agmaymaysa a Nora Aunor” ket kinunana a no lako koma daytoy, sisasagana nga agurnong iti panggatangna ket ibistina iti Museum of Celebrity memorabilia-na.
Kiddaw ni Quiboloy a Medical Furlough, inanamongan ti Pasig RTC
Inlatak ketdi ni Boss Toyo a planoda kadagiti padana a social media influencer ti tumulong kadagiti biktima ti nasao a bagyo.
Impakammo met ni Nora nga inkari ni Boss Toyo a mangted iti PhP250,000 kas tulong kadagiti nadidigra ni Bagyo Kristine iti Bicol. (Carissa Alcantara/MB)
