Impaisardeng pay laeng ti Korte Suprema (SC) ita, Oktubre 29, ti pannakayallatiw ti PHP89.9 a bilion nga excess fund ti Philippine Health Insurance Corporation (PhilHealth) iti national treasury.
Daytoy ti linaon ti Temporary Restraining Order (TRO) nga impaulog ti SC bayat ti sesion daytoy.
Impakaammo ni panakangiwat ti SC Atty. Camille Sue Mae L. Ting ti naipaulog a TRO iti naangay a press conference.
Maituloy ti oral arguments kadagiti petision inton Enero 14, 2025.
Australiano, 2 pay, natiliw gapu iti bogus a doliar
Tallo a petision ti naipila maibusor iti pannakayallatiw ti PhP89.9 a bilion nga excess fund ti PhilHealth a mapapati a di maitunos iti konstitusion, ket nagkiddawda iti TRO.
Kinuna ti Solicitor General Menardo I. Guevarra iti Korte Suprema a ti pannakayakar dagiti di nausar a pondo ti PhilHealth ket saan a manglapped wenno mangdadael iti pannakaipatungpal ti annongen ti PhilHealth, ken awan ti nalabsing ti kalintegan dagiti umili iti salun-at. (Rey G. Panaligan/Manila Bulletin//Lito Hilidon/Bannawag)
