Kas pagannurotan ti Senado, saanna a palubosan ti naalas a balikaas wenno ania man a kita ti panagrasaw bayat ti congressional investigation wenno bista, segun ken ni Senate President Francis “Chiz” Escudero itay Oktubre 29.
Kinuna daytoy ni Escudero maysa nga aldaw kalpasan a nagtestigo ni dati a Presidente Rodrigo Duterte iti panagimbestigar ti Senate BLue Ribbon Committee iti kontrobersial a kampania ti admninistrasionna kontra iti ilegal a droga.
Pinadayawan ni Escudero ni Senadora Risa Hontiveros gapu iti panagtakderna a mangsaluad iti dayaw ken integridad ti Senado bayat a maar-aramid ti bista.
Inanamongan ni Escudero ti inaramid ni Hontiveros a panangipalagipna iti dati a presidente a saan a maiparbeng ti panagrasaw iti Senado.
Pakaisukatan ti Doliar iti Pisos iti Nobiembre 27, 2024
Naragsakan pay ni Escudero iti trabaho ni Senate Minority Leader Aquilino “Koko” Pimentel III a nangipaay iti gundaway iti dati a presidente a mangted iti testimoniana, ken iti kapanunotanna mainaig iti drug war ken iti extrajudicial killings (EJK).
Segun ken ni Escudero, saan a nalaka ti inaramid ni Pimentel, ngem iti biang ni Escudero, natungpal ni Pimentel ti annongna a nangidaulo iti bista. (Hannah L. Torregoza/Manila Bulletin//Lito Hilidon/Bannawag)
