"From pain to purpose, God's guidance lights the way. Survivor, not victim."
Impaskil ni Sandro Muhlach daytoy iti Instagram idi Mierkoles, Oktubre 30, kalpasan a nangipila ti Department of Justice (DOJ) iti maysa a kaso ti rape through sexual assault ken dua a kaso ti acts of lasciviousness kontra kada Jojo Nones ken Richard Cruz iti Pasay Regional Trial Court (RTC).
Nagramut daytoy a kaso iti reklamo nga indatag ni Sandro iti National Bureau of Investigation (NBI) idi Agosto 19.
Kastoy ti mabasa iti maysa a paset ti resolusion: “Nalawag iti statement ti complainant a ni Sandro iti affidavit-na a naulit-ulit a nagkitakit ken nagpakaasi kadagiti akusado nga isardengda ti dina pagayatan a panangsagidda kenkuana.
LTO, inkarina nga addanton plaka dagiti amin a traysikel agingga iti Abril 30
“Daksanggasat ta ti complainant a ni Sandro, nakapuy ken makaturturog unay tapno malapdanna dagitoy gapu iti epekto ti droga ken arak."
Kinuna met ni Atty. Maggie Abraham-Garduque, ti abogado da Jojo ken Richard, a dida pay nakaawat iti kopia ti resolusion.
