Nadawel nga angin ken napigsa a tudo ti inyeg ni Super Typhoon "Leon" iti Amianan a Luzon isu a naibayog ti Tropical Cyclone Wind Signal (TCWS) No. 4 iti Batanes ita a malem, Oktubre 30.
Segun iti kaudian a pakaammo ti Philippine Atmospheric, Geophysical and Astronomical Services Administration (PAGASA), nagtalinaed ti kinapigsa ni Leon a 185 a kilometro tunggal oras iti asideg ti sentrona, ken pugso a dumanon iti 230 a kilometro tunggal oras.
Nagtalinaed iti TCWS No. 3 ti daya a paset ti Babuyan Islands (Babuyan Island, Camiguin Island, Calayan Island) ken iti Santa Ana, Cagayan.
Adda latta iti TCWS No. 2 ti dadduma a paset ti Babuyan Islands, ti dadduma a paset ti kadaklan ti Cagayan, daya a paset ti Isabela, Apayao, Kalinga, amianan ken daya a paset ti Abra, daya a paset ti Mountain Province, ken Ilocos Norte.
Australiano, 2 pay, natiliw gapu iti bogus a doliar
Nagtalinaed iti TCWS No. 1 ti dadduma a paset ti Isabela, Quirino, Nueva Vizcaya, ti dadduma a paset ti Mountain Province, Ifugao, Benguet, ti dadduma a paset ti Abra, Ilocos Sur, La Union, Pangasinan, Nueva Ecija, Aurora, amianan a daya ti Tarlac, ti amianan a paset ti Quezon, Camarines Norte, amianan a paset ti Camarines Sur, ken ti amianan ken daya a paset ti Catanduanes. (Ellalyn De Vera-Ruiz/Manila Bulletin//Lito Hilidon/Bannawag)
