Nagballaag ti Department of Education (DepEd) ken ti Commission on Higher Education (CHEd) iti publiko maipapan kadagiti palso nga anunsio mainaig iti palso a tulong pinansial ken scholarship program a maidiaya kadagiti agad-adal.
Iti paskil ti DepEd ken CHEd iti Facebook, inlawlawagda a saanda a mangipapaay iti scholarship wenno pinansial a tulong kadagiti estudiante.
Kinuna ni daulo ti CHEd Popoy De Vera a saanda a mangipapaay iti scholarship kadagiti adda iti elementaria, hayskul, wenno vocational a kurso.
Imbilin ti DepEd iti publiko nga ipulongda ti ania man a makaallilaw wenno mapagduaduaan nga impormasion maipapan iti basic education iti [email protected]. (Merlina Hernando-Malipot/Manila Bulletin//Lito Hilidon/Bannawag)
Nasional
