Inyalnag ti Government Service Insurance System (GSIS) ti baro a Multi-Purpose Loan (MPL) Lite program a nadisenio a mangipaay kadagiti kameng iti alisto ken nalaka a maala a pautang para kadagiti di namnamaen a paggastuan wenno temporario a panagkurang ti badiet.
Iti maysa a pakaammo, kuna ti GSIS nga idiaya ti MPL Lite dagiti pautang manipud iti PhP5,000 agingga iti PhP50,000 a mabalin a bayadan iti uneg ti 6, 12, 18 wenno 24 a bulan.
Agbatay ti anak ti pautang a manipud iti 6 a porsiento agingga iti 7 a porsiento iti kabayagen ti empleado iti serbisio.
“Kas paset ti panagpaay ti GSIS kadagiti kamengna, idiayana daytoy a programa a mangipaay iti nalaka a maala a pautang tapno masaranayda iti kanito nga addaanda iti emerhensia a panagkasapulan,” kinuna ni GSIS President and General Manager Wick Veloso.
Kiddaw ni Quiboloy a Medical Furlough, inanamongan ti Pasig RTC
Agaplay ti empleado ti gobierno iti GSIS Touch mobile app ket iti uneg ti tallo, maiteden kenkuana ti ut-utangenna a kuarta.
