Impaulog ni Presidente Ferdinand Marcos Jr. ti Proklamasion Bilang 727 a nakailistaan ti 10 a regular a piesta opisial ken walo nga special nonworking day iti 2025.
Dagiti sumaganad ti kadawyan a piesta opisial (regular holiday):
Kasano a labanan ti cyberthreat kadagiti pirate site?
1. Baro a Tawen - Enero 1 (Mierkoles)
2. Aldaw ti Kinamaingel - Abril 9 (Mierkoles)
3. Huebes Santo - Abril 17
4. Biernes Santo - Abril 18
5. Aldaw ti Panagtegged - Mayo 1 (Huebes)
6. Aldaw ti Wayawaya - Hunio 12 (Huebes)
7. Nailian nga Aldaw Dagiti Bannuar - Agosto 25 (Lunes)
8. Aldaw ni Bonifacio - Nobiembre 30 (Domingo)
9. Aldaw ti Paskua - Disiembre 25 (Huebes)
10. Aldaw ni Rizal - Disiembre 30 (Martes)
Dagiti sumaganad ti special nonworking day:
1. Baro a Tawen Dagiti Tsino - Enero 29 (Mierkoles)
2. Sabado de Gloria - Abril 19
3. Aldaw ni Ninoy Aquino - Agosto 21 (Huebes)
4. Bisperas ti Aldaw Dagiti Santo - Oktubre 31 (Biernes)
5. Aldaw Dagiti Santo - Nobiembre 1 (Sabado)
6. Piesta ti Nadarisay a Pannakainaw ni Maria - Disiembre 8 (Lunes)
7. Bisperas ti Paskua - Disiembre 24 (Mierkoles)
8. Maudi nga Aldaw ti Tawen - Disiembre 31 (Mierkoles)
Nangiyisyu ni Presidente Marcos iti wayas a proklamasion a nakaideklararan ti Hulio 27, 2025 (Domingo) nga special nonworking day iti sibubukel a pagilian kas pangrambak iti Iglesia Ni Cristo Founding Anniversary. Daytoy ti maika-9 nga special nonworking day iti 2025.
Kabayatanna, special working day ti EDSA People Power Revolution Anniversary iti Pebrero 25, a mairana a Martes.
Iti sabali a bangir, dagiti proklamasion a pakaideklararan dagiti national holiday para iti pannakangilin ti Eid'l Fitr ken Eid'l Adha, mayisyu kalpasan a maikeddeng dagiti mapattapatta a petsa dagiti piesta opisial ti Islam maibatay iti kalendario ti Islam (Hijra) wenno lunar calendar, wenno segun iti Islamic astronomical calculation, no ania kadagitoy ti mabalin a pagbasaran.
Irekomendar ti National Commission on Muslim Filipinos iti Presidente dagiti aktual a petsa para kadagitoy a piesta opisial.
Binilin ti proklamasion ti Department of Labor and Employment (DOLE) a mangiyetnag kadagiti pagalagadan iti pannakaisayangkat (implementing guidelines) para iti proklamasion, a manamnama a maipakat a dagus. (AST/ Bannawag)
