Nairuaren ti umuna a trailer para iti maikadua a bansada (season) ti Squid Game, ket naipan manen dagiti agbuybuya iti nakaam-ames nga arena a pagay-ayaman manen ti kampeon a ni Seong Gi-hun nga inakem ni Lee Jung-jae.
Kalpasan ti tallo a tawen a panangabakna iti nakaal-alingget a serye nga ay-ayam a para ubbing, nagsubli ni Gi-hun kas Player 456 ket addada ginasut a baro a kakaduana—nga ikagumaanna a tarabayen nga itunda iti kinatalged.
Kasano a labanan ti cyberthreat kadagiti pirate site?
Iti umuna a bansada daytoy drama manipud iti South Korea, naitampok ti grupo ti 456 a tattao, nga agpapada a nailumlom iti utang, a nagraranget para iti dakkel a premio a kuarta.
Daytoy ti serye iti Netflix a kaaduan ti nagbuya iti pannakayalnagna, binuya ti mapan a 111 a milion iti umuna a 28 nga aldawna. (AST/Bannawag)
