Mabalin nga agsagaba dagiti maasembol nga elektronika iti Filipinas—a kangrunaan nga eksport ti Filipinas iti benneg dagiti produkto manipud kadagiti paktoria—iti idadakkel ti produksion ti Tsina, kas kuna ti World Bank.
Iti report daytoy idi Oktubre 31, kuna ti WB a bimmassit dagiti semiconductor a nalako ti Filipinas iti 13.8 a porsiento idi Agosto a maidilig iti isu met laeng a panawen itay napan a tawen.
"Ti Tsina ti kangrunaan a pagilaklakuan ti Filipinas kadagiti maasembolna nga integrated circuits ken processors ngem gapu iti umad-adu ti kakastoy a bukod a produkto ti Tsina, mabalin nga agsagaba daytoy nga industria ti Filipinas,” imballaag ti World Bank.
Nupay mabalin nga agsagaba ti eksport ti Filipinas, kuna ti World Bank a mabalin ketdi a masulnitan daytoy iti idadakkel ti panagkasapulan ti Filipinas kadagiti kakastoy a produkto.
Kiddaw ni Quiboloy a Medical Furlough, inanamongan ti Pasig RTC
Innayon ti World Bank a nakatulong met ti yaadu ti kasapulan a mangmangged iti accommodation ken food services sector a nangipababa iti bilang dagiti awan trabahona a Filipino iti uppat a porsiento idi Agosto. (Ben Arnold de Vera/Manila Bulletin// Cles B. Rambaud/Bannawag)
