Inyusuat ti Armed Forces of the Philippines (AFP) ita, Nobiembre 4, ti multi-service a panagsanay a pakairamanan dagiti kameng ti Philippine Army (PA), Philippine Navy (PN), ken Philippine Air Force (PAF), kasta met ti Special Operations Forces daytoy a mangtenneb iti kabaelanda a mangisayangkat iti mision iti taaw (dagat), tangatang (langit), ken daga (lupa).
Kinuna ni Chief of Staff ti AFP Gen. Romeo Brawner Jr. a panggep ti AFP Joint Exercise (AJEX) “DAGIT-PA” a mapabileg ti panangikumit ti militar a patibkeren ti depensa ti pagilian ken pasayaaten pay ti kabaelan dagiti soldado.
Maaramid dagiti panagsanay kadagiti lugar a sumango iti West Philippine Sea (WPS) iti babaen ti Western Command (Wescom), ken iti Taiwan nga idauluan ti Northern Luzon Command (Nolcom).
Maysa kadagiti maitampok a panagsanay ti "island retaking drill" a pakasursuruan dagiti soldado no kasano a maalada manen ti maysa nga isla a sinakup ti buyot ti kabusor.
Australiano, 2 pay, natiliw gapu iti bogus a doliar
Segun ken ni exercise director Major Gen. Marvin Licudine, namnamaenda a buybuyaen ti militar ti China dagiti ar-aramidenda a panagsanay, ngem sisasagana latta dagiti kakaduada a managplano ket sisasaganada iti ania man a di mapakpakadaan a pasamak. (Martin Sadongdong/Manila Bulletin//Lito Hilidon/Bannawag)
