Nakiandingay ti internasional a gimong iti Filipinas nga agladladingit gapu kadagiti biktima ti Severe Tropical Storm Kristine.
Inyebkas dagiti embahada ti Russia, ti Netherlands, European Union, ken Israel ti pannakipasetda iti National Day of Mourning ita, Nobiembre 4, kas indeklarar ni Presidente Ferdinand Marcos Jr. gapu iti pannakapukaw ti adu a biag a gapuanan ti bagyo.
Adda iti half-mast ti bandera ti Netherlands ken European Union (EU) kas pannakipagladingitda kadagiti Filipino a naawanan iti ay-ayaten gapu iti didigra.
Nakipagladingit met ti Israel kadagiti napanawan a pamilia ken ay-ayaten dagiti napukawan iti biag. (Joseph Pedrajas/Manila Bulletin//Lito Hilidon/Bannawag)
Nasional
