Inikkan ni dati a gobernador ti Ilocos Sur Luis ‘Chavit’ Singson ti pamilia ni Olympic gold medalist Carlos Yulo iti PhP1 a milion kas “pre-Yuletide” a regalo kagiddan ti panangidariragna iti panagkappia koman da Yulo ken nagannak daytoy aglalo ta umadanin ti Paskua.
Kinuna ni Singson, kandidato a para senador iti 2025 mid-term elections, a “saan koma a rimbawan ti nagun-od a dakkel a balligi ti panangipaay iti panagayat ken panagdayaw,” iti baet ti di panagkinnaawatan ti gymnast ken dagiti dadakkelna a da Angelica ken Mark Andrew a mapapati a kimmaro kalpasan ti pannakayalat ni Carlos iti dua a balitok a medalia iti Paris Olympics itay Hulio. Sipud simmangpet iti Filipinas ni Yulo idi Agosto, mapapati a saan pay a pulos a nagawid, wenno simmarungkar daytoy kadagiti kakabagianna, iti pagtaenganda iti Leveriza St., Malate, Manila.
Mangnamnama ni Singson nga agkakappianto met laeng da Carlos ken dagiti nagannak kenkuana, kakabsatna, ken aapongna iti nagan ti panagpipinnakawan.
Nagun-od ti prolific gymnast ti balitok a medalia iti floor exercise ken iti vault idiay Paris, ket malaksid iti adu a pammadayaw, impaayan pay ti gobierno ken adu a pribado a kompania iti insentibo a kuarta, condominium unit, lugan, kdp. nga agpateg iti nasuroken a PhP100-milion.
Kiddaw ni Quiboloy a Medical Furlough, inanamongan ti Pasig RTC
Siguden nga inkari ni Singson a no agkappia ti gymnast ken ti pamilia daytoy, ikkanna ida iti PhP5-milion. (Manila Bulletin Sport/ /RVAragon/Bannawag)
