Nangipaay ti Department of Labor and Employment (DOLE) iti PhP454.4 a milion a kas sueldo a pangtulong kadagiti mangmangged a naapektaran iti Bagyo Kristine iti Bicol ken Calabarzon region.
Kinuna ti DOLE a maiwarwaras dagitoy iti babaen ti Tulong Panghanapbuhay Para sa Ating Disadvantaged Workers (TUPAD) program a mangipaay iti temporario a panggedan kadagiti naapektaran ti bagyo.
Mapan ti PhP30 a milion iti 7,067 a mangmangged iti Bicol, idinto a PhP424.4 a milion ti mailatang iti 72,741 a mangmangged iti Calabarzon (Cavite, Laguna, Batangas, Rizal, Quezon).
Sakbayna, naiteden iti Bicol ti PhP3.2 a milion para iti 818 a benepisiario iti Camalig, Albay; PhP948,000 para iti 240 a mangmangged iti Lupi, Camarines Sur; ken P979,600 para iti 248 a benepisiario iti San Jose, Camarines Sur.
Australiano, 2 pay, natiliw gapu iti bogus a doliar
Malaksid daytoy, adda pay maited a PhP3.03 a milion iti 384 a benepisiario iti San Fernando, Masbate, ken PhP422,650 para iti 107 a mangmangged iti San Miguel, Bato, ken Virac, Catanduanes.
Sabali pay ti naibunong a PhP16.8 a milion iti 4,274 a mangmangged iti pito a lugar iti Albay. Iti Masbatye, 182 a benepisiario ti naikkan iti PhP718,900, idinto a PhP1.3 a milon ti naited iti 218 a tao tii Catanduanes, ken PhP2.6 a milion ti maipaay iti 596 a mangmangged iti nadumaduma nga ili ti Sorsogon.
Iti Calabarzon, ti Batangas ti nakaala iti kadakkelan a pondo a PhP172 a milion para kadagiti 59,729 a mangmangged, sumaruno ti Cavite a naikkan iti PhP87.5 a milion para kadagiti 14,815 a mangmangged, ken iti Laguna a nakaala iti PhP87 a milion para kadagiti 14,617 a mangmangged.
Naikkan iti PhP61.5 a milion ti Quezon Province a mangsuportar kadagiti 10,764 a mangmangged. iidnto a PhP16..4 a milion ti naipaay iti Rizal para kadagiti 2,816 a mangmangged.
Impaganetget ti DOLE ti panggepna a mangipaay iti mabiit a pagsapulan kadagiti naapektaran a mangmangged ken mangsuportar iti pannakaallangon dagiti umili nga inapektaran ti bagyo. (Trixee Rosel/Manila Bulletin//Lito Hilidon/Bannawag)
