Nangitulod iti tulong ti eroplano ti Philippine Air Force (PAF) ken ti eroplano ti Indonesian National Armed Forces kadagiti lengleng a lugar a nakaro a naapektaran iti bagyo a nangdidigra iti Bicol Region.
Kinuna ni panakangiwat ti PAF Col. Ma. Consuelo Castillo nga intulodda idi kalman, Nob. 4, dagiti family food packs (FFPs) kadagiti nasulinek nga isla ti Calaguas iti Camarines Norte ken Butawanan iti Camarines Sur.
Ti PAF C-130 ti nangibiahe kadagiti kasapulan a suplay iti Naga Airport a nagserbi a kas sentro ti panagiwaras iti tulong kadagiti naapektaran a lugar.
Kinuna ni Castillo a dagiti humanitarian assistance ken disaster relief operations ti mangipakita iti natibker a panagsinnaranay ti Filipinas ken Indonesia iti panangipaay iti naintiempuan a tulong ken iti panagregget ti dua a pagilian a mangipaay iti humanitarian service. (Priam Nepomuceno/PNA//Lito Hilidon/Bannawag)
