Dua a nagan-ayat idi hayskulda ti agkita manen 18 a tawen kalpasan ti napait a panagsinada iti Love Your Enemy, maysa a baro a serye a romantic comedy a marugian a maipabuya iti Disney+ ita a Nobiembre.
Agakem iti Love Your Enemy ni aktor a Ju Ji-hoon (Light Shop, Blood Free) a kas Seok Jiwon, ti presidente ti Dokmok High School, ken ni aktres a Jung Yu-mi (Discovery of Love, Train to Busan) a kas Yoon Jiwon, maysa a P.E. teacher.
Iti serye, kabayatan ti maudi a summer-da iti hayskul, natnag ti rikna da Seok Jiwon ken Yoon Jiwon iti maysa ken maysa. Nabara ti romansada iti rugrugi ti relasionda, ngem gapu laeng iti bassit a di panagkinnaawatan, nagsina dagiti agayan-ayat ket saandan a nagkitkita pay.
Sangapulo ket walo a tawen ti napalabas, nairana a nagsarak manen da Seok Jiwon ken Yoon Jiwon ta nagkatrabahuanda iti maysa a pagadalan ket naituloy ti panaggingginnurada. Agingga a naamirisda nga adda pay laeng riknada iti tunggal maysa iti baet ti gura ken panagbinnusor.
Resolusion ti UN nga agkidkiddaw ti ceasefire iti Gaza, saan a pinaboran ti Estados Unidos
Insurat ni Lim Ye-lin (The Tale of Nokdu) ti Love Your Enemy, indirihe ni Park Joon-hwa (What’s Wrong with Secretary Kim), ken improdius ti Studio Dragon.
Mangrugi a maipabuya ti Love Your Enemy iti Disney+ inton Nobimebre 23, nga addaan baro nga episode tunggal Sabado ken Domingo, agingga iti Disiembre. 29. (Jonathan Hicap/Manila Bulletin // Roy V. Aragon/Bannawag)
