Kinemmeg ti Parañaque City Police ti maysa a call center agent a nabigbig a nairaman iti Top 5 a most wanted a tao (station level), bayat ti operasion nga insayangkatda itay Nobiembre 4, gapu iti panaglabsing iti Anti-Online Sexual Abuse or Exploitation Materials (CSAEM) Act.
Segun ken ni Direktor ti Southern Police District (SPD) PBrig. Gen. Bernard Yang, natiliwda ti suspek iti Barangay Marcelo Green, Siudad ti Parañaque.
Kinuna ni Yang a tiniliwda ti suspek babaen ti warrant of arrest nga impaulog ni Judge Zandra Tubat Bato ti Imus Cavite Regional Trial Court, Fourth Judicial Region, Branch 22 idi Oktubre 1, 2023 nga addaan iti piansa a PhP200,000.
Naipan ti suspek iti police custodial facility ti SPD. (Jean Fernando/Manila Bulletin//Lito Hilidon/Bannawag)
