Mapanen a PhP1.19 a bilion ti gatad ti tulong nga impaay ti gobierno kadagiti local government units (LGUs) ken pribado nga organisasion kadagiti biktima ni Bagyo Kristine ken Super Typhoon Leon.
Iti kaudian a report ti National Disaster Risk Reduction and Management Council (NDRRMC) ita, Nobiembre 5, addan 513,846 a pamilia ti natulonganda iti 15 a rehion.
Adda 2,249,345 a pamilia (wenno 8,847,888 a katao) nga inapektaran ti dua a bagyo nga agindeg iti 12,216 a barangay iti 17 a rehion.
Napan ti 48,146 a pamilia (wenno 194,272 a tao) iti 1,133 nga evacuation center, idinto a 106,152 a pamilia (wenno 517,705 a tao) ti matultulongan iti ruar ti pagbakuitan.
Australiano, 2 pay, natiliw gapu iti bogus a doliar
Pattapattaen ti NDRRMC a mapan a PhP4.88 a milion ti balor ti nadadael iti agrikultura, idinto a PhP8.24 a bilion iti impraestruktura. (Priam Nepomuceno/PNA//Lito Hilidon/Bannawag)
