Impasigurado ti Department of Social Welfare and Development (DSWD) kadagiti local government units (LGUs) nga addan nailebben a 1,351,815 a family food packs (FFP) a maited kadagiti lugar a tuparen ni Bagyo Marce.
Daytoy ti kinuna ni Sekretario ti DSWD Rex Gatchalian iti National Disaster Risk Reduction and Management Council Preparedness Meeting for Tropical Cyclone Marce a naangay itay Nobiembre 5.
Impakaammo ni daulo ti Disaster Response and Management Group (DRMG) ti DSWD Undersecretary Diana Rose Cajipe nga adda 300,000 a kahon ti FFP ti kasapulan, maibatay iti pattapatta ti predictive analytics tool (PAT) ti DSWD, bayat ti yaasideg ti bagyo.
Segun ken ni Cajipe, ti PAT ti ar-aramatenda a mangpattapatta iti bilang dagiti pamilia a mabalin a maapektaran, ket mangpasigurado iti nasaksakbay a pannakaisaad dagiti suplay kadagiti naapektaran a rehion.
Australiano, 2 pay, natiliw gapu iti bogus a doliar
Nupay umdas ti lebben ti DSWD a mangpennek iti mapattapatta a bilang dagiti agkasapulan, imbilin ni Gatchalian ti panagsagana tapno mapapardas ti panagaramid iti FFP, agraman ti naan-anay a panagtignay dagiti bodega ti ahensia iti Central Luzon. (Ellalyn De Vera-Ruiz/Manila Bulletin//Lito Hilidon/Bannawag)
