Maysa ti natay idinto a mapan a lima agingga iti innem a sabsabali pay ti nasugatan iti panagdidinnungpar ti innem a lugan iti nagsulian ti Osmeña Highway ken Zobel Roxas Street iti Makati City itay parbangon daytoy nga aldaw, Mierkoles, Nobiembre 6.
Segun kadagiti autoridad, napasamak ti aksidente iti agarup 12:55 a.m., a nagdidinnungparan ti innem a lugan, a pakairamanan ti panel van, trailer truck, tanker, luxury SUV, ken dadduma pay a lugan.
Rinetrato ni Mark Balmores
Kinompirmar dagiti polis ken rescue workers ti pannakatay ti driver ti panel van.
Ilocos Sur, Umuna a Puesto iti Regional SubayBAYANI Awards
Dua met kadagiti pasahero ti panel van ti nasugatan. Dagus a naitaray dagitoy iti ospital.
Nagbunga met ti aksidente iti nakaro ti kinairutna a trapiko iti nasao a lugar.
Itultuloy pay laeng dagiti autoridad ti imbestigasionda maipanggep iti aksidente. (PATRICK GARCIA/Manila Bulletin)
