Indauluan ni Presidente Ferdinand Marcos Jr. (PBBM) ti pannakaiwaras ti PhP100 a milion a balor ti tulong pinansial kadagiti mannalon, mangngalap ken dadduma pay a pamilia nga inapektaran ni Bagyo Kristine iti Camarines Sur ken Albay itay napan a bulan.
Mapan a 5,000 a benepisiario iti 15 nga ili ti Camarines Sur ti immawat ti PhP10,000 tunggal tao babaen ti Presidential Assistance for Farmers, Fisherfolk, and Families (PAFFF) program.
Adda pay 5,000 a benepisiario manipud iti tallo a siudad ken 15 nga ili iti Albay ti naikkan iti PhP10,000 tunggal tao.
Malaksid iti pinansial a tulong, mangted pay ti Technical Education and Skills Development Authority (TESDA) iti Training Support Fund nga aggatad iti PhP3,413,700 para kadagiti 1,162 a benepisiario iti Albay.
Australiano, 2 pay, natiliw gapu iti bogus a doliar
Binilin pay ni PBBM amin nga ahensia ti gobierno a mangbukelda iti komprehensibo a flood mitigation project, agraman pannakarepaso iti Bicol River Basin Development Program. (Argyll Cyrus Gerducos/Manila Bulletin//Lito Hilidon/Bannawag)
