Inanamongan ti National Economic and Development Authority (NEDA) ti pawayway ken pannakaingato ti badiet ti dua a dakkel a flood-control project iti sidong ti Department of Public Works and Highways (DPWH), nga aggatad iti PhP79.73 a bilion.
Kinuna ti NEDA itay Nobiembre 5 a maikkan dagiti proyekto iti nayon a pautang manipud iti Japan International Cooperation Agency (JICA).
Mailayon ti pannakaipatakder ti PhP22.03-bilion a Cavite Industrial Area-Flood Risk Management Project (CIA-FRMP) agingga inton Septiembre 2029. Ti CIA-FRMP ti mangtimon iti panaglayus iti Cavite babaen ti panangpasayaat iti San Juan River Basin ken Maalimango Creek.
Maysa pay a proyekto ti gobierno ti Pasig-Marikina River Channel Improvement Project, Phase IV (PMRCIP IV), nga aggatad iti PhP57.7 a bilion.
Australiano, 2 pay, natiliw gapu iti bogus a doliar
Mailayon ti PMRCIP IV agingga iti Marso 2031, a mangbangon iti impraestruktura kas iti dike, flood gate, ken mangisayangkat iti channel dredging. Maiturong ti proyekto iti pannakapasayaat ti Marikina River ken pannakaipatakder ti Marikina Control Gate Structure. (Derco Rosal/Manila Bulletin//Lito Hilidon/Bannawag)
