Nagtalinaed ti pigsa ni Magyo Marce (internasional a nagan "Yinxing"), kuna ti Philippine Atmospheric, Geophysical and Astronomical Services Administration (PAGASA) ita, Nobiembre 6.
Addaan ni Marce iti kapigsa a 140 a kilometro tunggal oras iti asideg ti sentrona ken pugso nga agingga 170 a kilometro tunggal oras.
Iti kaudian a pakaammo ti PAGASA, naibayog ti Tropical Cyclone Wind Signal (TCWS) No. 2 iti daya a paset ti Babuyan islands ken ti amianan a paset ti kadaklan ti Cagayan.
Adda iti TCWS No. 1 ti Batanes, ti dadduma a paset ti Cagayan agraman Babuyan Islands, Ilocos Norte, Ilocos Sur, Apayao, Abra, Kalinga, Mountain Province, Ifugao, ti amianan a paset ti Benguet, Isabela, Nueva Vizcaya, Quirino, ken ti amianan a paset ti Aurora.
Australiano, 2 pay, natiliw gapu iti bogus a doliar
Nasaripatpatan ti PAGASA ti bagyo nga adda iti 345 a kilometro iti daya ti Tuguegarao City, Cagayan itay 4:00 ti parbangon.
Pattapattaen ti PAGASA a pumiga pay ni Marce ken mabalin nga agdisso wenno lumabas iti Babuyan Islands wenno iti amianan a paset ti kadaklan ti Cagayan manipud Huebes (Nob. 7) agingga Biernes (Nob. 9). Manamnama a rummuar ti bagyo iti Filipinas inton Biernes ti rabii. (Ma. Cristina Arayata/PNA//Lito Hilidon/Bannawag)
